Момче и девојче на возраст од 3 и 6 години и нивниот татко (34) се примени во Универзитетскиот медицински центар Ниш со клиничка слика која укажува на труење, потврди „Блиц“.

– Како што дознаваме, таткото бил примен на Клиниката за ендокринологија, дијабетес и метаболички болести на Одделот за токсикологија, додека децата со поблага клиничка слика се задржани на опсервација на Детската клиника. Сите денеска се стабилизирани и пуштени дома.

Според токсикологот, примероците од крв и урина според протоколот се испратени на токсиколошка анализа во Институтот за судска медицина, а се уште не може прецизно да се каже за која супстанца се работи, објавија медиумите.

Клиничката слика за време на приемот укажува на труење кое наликува на труење со буника.

Буника (hyoscyamus niger) е растение кое расте во умерени региони на Европа, Африка и Азија. На нашите простори, може да се најде во обраснати полиња и напуштени куќи, и расте покрај патишта и огради, и може да порасне од 25 до 100 см. Во зависност од видот, цветовите можат да бидат бели, жолти или кафеави, додека листовите се влакнести, елипсовидни, со карактеристични матно зелени нијанси.

Целото растение, а особено неговиот корен, е богато со алкалоиди како што се хиосиамин, атропин и скополамин, кои имаат токсичен ефект врз луѓето и животните.

Ако се проголта, може да предизвика халуцинации, конфузија, хистерија, проширени зеници, немир, црвенило на кожата, палпитации, грчеви во мускулите, повраќање, треска, нарушувања на меморијата и во поголеми дози, делириум, кома или прекин на дишењето.

Од памтивек, билкарите, иако со голема претпазливост, користеле напивки од буника и чаеви во комбинација со други билки за лекување на низа состојби. Денес, атропинот се користи во офталмологијата за проширени зеници, како и за третман на забавен ритам на срцето и бројни клинички испитувања на лекови врз основа на буника во третманот на воспалителни процеси во телото, Паркинсонова болест, ревматизам, морска болест, но исто така и неговиот потенцијален аналгетски ефект.