Двегодишната Сара Алвес де Албакерки од Бразил починала од струен удар откако допрела полнач за мобилен телефон. Трагичниот настан се случил во градот Херера во североисточниот дел на Бразил, девојчето итно било префрлено во болница, но за жал, не било спасено.

Локалната градоначалничка Емануела Гомез Мартинс изрази тага поради инцидентот.

– Изразуваме длабоко жалење за смртта на детето Сара Алвес де Албакерки. Во овој момент на длабока болка, општинската јавна администрација сочувствува со семејството и пријателите и изразува најискрено сочувство за неискажливата загуба – напиша таа.

– Почивај во мир мала Сара. Сега си мал ангел со мали крилја, напиша едно лице.

Слична смрт се случи во Тајланд во 2019 година, кога Китисак Мункити (28) беше пронајден мртов во неговата спална соба со траги од изгореници на раката и подлактицата додека се уште го држеше телефонот.

Неговата мајка го пронашла нејзиниот син како го држи својот паметен телефон со Android, кој бил приклучен во струја додека играл игри.