Тројца цивили ги загубиле животите, а двајца се повредени во експлозијата на направа додека пливале во Црното Море во јужниот украински регион Одеса, соопшти локалната полиција.

Несреќата се случила вчера кога неколку лица, кои работеле на градилиште, ги игнорирале пречките и предупредувачките знаци на плажата и заминале да пливаат во морето.

„Тројца мажи на возраст од 25, 32 и 53 години загинале во водата поради експлозија на непознат предмет“, се вели во писменото соопштение на полицијата. Се додава дека уште еден маж и една жена се ранети. Украинските власти ги затворија морските плажи поради мини или артилериски гранати од војната со Русија и гранатирањето од руските сили.

Украинската војска, исто така, постави мини долж брегот во случај на руски амфибиски напад по инвазијата на Москва на 24 февруари, затворајќи ги влезовите на плажата со црвена и бела лента за да се осигура дека цивилите нема да бидат повредени.

„Уште еднаш нагласуваме – пливањето во регионот на Одеса сега е опасно и забрането. На плажите и бреговите на регионот се поставени експлозивни направи“, соопшти регионалната полиција.