БОСНА И ХЕРЦЕГОВИНА- Фикрет Дукиќ, претседателот на Комисијата за утврдување на предложени имиња на улици, плоштади, јавни установи и населени места на Велика Кладуш, на Фејсбук објави шокантни тврдења. Имено, како што наведува во својата објава, ученичката од седмо одделение од Основното училиште „Март 1“ во Врнограч е бремена.

– Што се случува во ОУ „1. Март“ Врнограч? Седмоодделенка бремена? Што превземале на овој план наставниците во оваа образовна институција? Дали се обидоа да го прикријат случајот или презедоа конкретни чекори – се наведува во неговата објава.

Училиштето веднаш контактирало со полиција

Босанските медиуми го контактирале директорот на ова училиште Шериф Хушидиќ, кој ги демантираше овие наводи.

– Кога ги прочитавме тие информации на Фејсбук, постапив согласно правилата како директор на училиштето и одговорно лице. За овие наводи го известив полициското одделение во Велика Кладуша. Излегоа на терен, проверија се и нема ништо од тие наводи. Од ПУ ми потврдија дека ги провериле сите наводи, дека го завршиле својот дел од работата што е во нивна надлежност и повратната информација е дека се е чисто, дека всушност прво почнале детските приказни, а потоа останатото – рече Хушидиќ за порталот „Аваз“.

Тој додава дека ширењето лажни информации почнало од Дукиќ.

– На училиште не знаевме ништо за тоа. Од него почна таа информација. Го клеветеше училиштето и детето пред се. Ако навистина измислил, тогаш тоа е кршење на правата на дете кое е во ризик и тоа е сериозно. Ќе ги извршиме сите потребни дејствија за да докажеме што е, да утврдиме која е вистината за да спречиме вакви работи да се објавуваат на социјалните мрежи – вели Хушидиќ.

Училишниот колектив е шокиран

Хушидиќ нагласува дека сите се шокирани од овие наводи.

– Сите сме шокирани на училиште, целиот тим. Ова е прв пат да слушаме за такво нешто и дека такво нешто може да се случи. Веднаш ги почнавме сите процедури за да се утврдат сите факти, да дојдеме до вистинската вистина. Сè уште не знам за кое дете се работи. На Фејсбук напиша само дека е ученичка. Полицијата најверојатно со него утврдила за кое дете станува збор – заклучува Хушидиќ во интервју за порталот „Аваз“.