Една Бразилка тврди дека родила близнаци од различни татковци откако имала секс со двајца мажи во ист ден. Анонимната 19-годишна девојка од Минериос во Гоиас, Бразил, објаснила дека направила тест за татковство бидејќи сакала да потврди кој е таткото, пренесува Daily Mail.

Таа решила да го направи тестот бидејќи по осум месеци се сомневала кој е таткото.

19-годишната девојка собрала ДНК од лицето за кое мислела дека е таткото, но по два теста резултатите биле позитивни само за едно од близнаците.

Потоа се сетила дека имала секс со друг маж во ист ден и кога оваа втора личност направила тест, се покажало дека е татко на вториот близнак.

Феноменот е научно наречен хетеропарентална суперфекундација.

Зборувајќи за Глобо, нејзиниот лекар Тулио Хорхе Франко објасни:

„Можно е да се случи кога две јајце клетки од иста мајка ќе бидат оплодени од различни мажи. Бебињата го делат генетскиот материјал на мајката, но тие растат во различни плаценти.’

Тој нагласи дека случајот е исклучително редок, и ситуација „еден во милион“ и не ни помислувал дека ќе види таков случај во животот.

Се тврди дека има само околу 20 други случаи во светот каде тоа се случило.

Локалните медиуми објавија дека децата сега имаат 16 месеци, но д-р Франко зборуваше за случајот оваа недела.

И сега, еден од татковците се грижи за двете деца, давајќи им поддршка на мајката.