Во населбата Љубосело во околината на Топола во централна Србија вечерва се случи тешка сообраќајна несреќа во која животот го загуби едно лице.

„Помлада жена возела автомобил кога ненадејно и се слошило и изгубила контрола над возилото. Кога пристигнала екипа на Брзата помош, лекарите можеле да ја констатираат, за жал, само нејзината смрт“, изјавил за РИНА еден од очевидците.

Оттаму додаваат дека причина за несреќата најверојатно бил инфаркт, а со жената која го управувала возилото во моментот на несреќата била и нејзината мајка, која во оваа прилика се здобила со телесни повреди и ѝ била укажана лекарска помош.

Според неофицијални информации, загинатата жена е од село Белосавци и била мајка на шест деца.