Драматичните моменти кои ги доживеалo 15-годишно момче, кое минатата недела попладне беше повреден од чамец додека пливало на плажата на грчкиот остров Андрос, ги опишал неговиот 20-годишен пријател кој бил со него.

– Единствената мисла на која се сеќавам додека бевме под чамецот, беше во кој момент пропелерот ќе помине над нас и ќе умреме, односно тоа беше многу страшен момент, изјави тој.

Опишувајќи го тоа што се случило, пријателот на 15-годишниот Теодорис рече дека „бевме на оддалеченост од 15-20 метри од брегот и ловевме риба. Додека Теодорис гледаше кон дното, го слушнав моторот на гумениот чамец и ја подигнав главата и видов чамец на надувување како се движи кон нас со голема брзина и беше на растојание од 30 до 40 метри“.

„Почнав да викам со сета моја сила и да мавтам со десната рака во воздух. Не бевме забележани од лицето кое го управуваше. Продолжи да се упатува кон нас, не го смени правецот, ниту ја намали брзината, а јас директно со левата рака го фатив Теодорис, кој се уште не сфати дека кон нас доаѓа чамец. Го повлеков со сета сила надесно за да се оддалечиме“.

Според 20-годишникот, следните неколку минути биле кошмарни бидејќи се обидел да го задржи раскрвавениот Теодорис на површината на морето, обидувајќи се да му сигнализира на управувачот со чамецот да му помогне да го однесе на копно.

Како што кажа 20-годишникот, се што Теодорис успеал да каже во првите минути по несреќата е „зошто ми ја нема раката?“.

Кога 15-годишното момче пристигнало во болницата по голема операција во неделата вечерта, наводно на лекарите, им рекол:

„Не знам точно што се случи. Јас и мојот пријател бевме во морето кога ненадејно чамецот помина над нас. Мојот пријател реагираше и ме повлече“.

Според информациите, лекарите наведуваат дека следните 24 часа ги сметаат за критични за напредокот на повредите на раката на 15-годишникот по операцијата на која беше подложен.

Се потсетува дека кај операторот на чамецот, кој беше пуштен по наредба на обвинителот, констатирано е дека конзумирал повеќе од минималната количина на алкохол во алкотестот што бил земен по несреќата.