Херцеговските градови Томиславград и Груде беа обвиени со тага последниве денови по смртта на двајцата млади кошаркари, Јосип Лека и Бранимир Машиќ.

Најпрвин вчера ХКК Груде ја објави веста во која се простија од 25-годишниот Лека кој почина по тешко боледување.

“Со тажно срце објавуваме и се збогуваме со нашиот Јосип Лека (1997-2022). Јосип го напушти овој земен дом по тешко боледување. Беше играч на нашиот клуб, играше и за КК Широки, па дури и во најтешките и воедно најхрабрите денови ја поддржа својата Груде.Нашиот клуб и целиот колектив изразуваат најдлабоко сочувство до целото семејство на починатиот Јосип. Драг наш Јосип остануваш во нашите сеќавања. Почивај во Божји мир “ објави ХКК Груде.

А веќе утрово тажна спортска вест пристигна од Томиславград каде ненадејно почина 32-годишниот Машиќ, познат и по прекарот Бани.

“Утрово ненадејно на 32 години нè напушти нашиот Бранимир Машиќ – Бани. Немаме зборови да ја опишеме оваа тага и болка што не пречека ова саботно утро, ни остана една голема празнина затоа што еден човек затоа што нас не напушти човек во вистинската смисла на зборот. Претседател, играч, тренер и надеж сите пријатели, посакуваме Господ да ви даде вечен одмор, почивај во мир Божји“, напиша ХКК Томислав.

Воедно најавија дека погребот ќе се изврши во недела во 16 часот на локалните гробишта Караула.