Силен земјотрес со јачина од 5,4 степени според Рихтеровата скала се случи утринава во Јонското Море меѓу Кефалонија и Закинтос.

Како последица на земјотресот, дел од карпа се откинала и паднала во морето на популарната плажа Навахо на Закинтос, јавуваат грчките медиуми.

На видеата на социјалните мрежи се гледа прашина откако камењата паднале во водата, додека околу неа има бродови.

Додека прашината се издига над водата, видеото покажува и како на некои капачи не им е грижа и продолжуваат да пливаат во морето, иако се многу блиску до брегот.

Грчките медиуми јавуваат дека првиот земјотрес е регистриран во 10 часот и 36 минути по грчко време, а до четвртокот наутро до 11 часот и 16 минути на пошироко подрачје се случиле уште седум земјотреси со јачина поголема од 3,7 степени според Рихтеровата скала.

Експертите велат дека од утрово е неопходно да се внимава по земјотресот.