Откако денеска беше објавена веста дека босански наставник од основното училиште „Стари Илијаш“ во близина на Сараево е приведен за блудни дела врз малолетна ученичка, родителите на учениците од ова училиште се во неверување.

Еден од родителите на репортерот на „Аваз“ од местото на настанот му рекол дека е во неверување и дека „не верува што се случува“.

– Не сакам да го коментирам тоа бидејќи треба да чекаме полицијата и надлежните да си ја завршат работата и да утврдат дали се вистинити обвинувањата. Можам да кажам дека е прекрасен човек и дека е како втор родител на нашите деца. Навистина сум изненадена од оваа ситуација – изјави мајка на ученик од ова училиште, која сакаше да остане анонимна.

Потсетуваме дека вчера родителите на малолетното дете го пријавиле наставникот по физичко и спорт во ОУ „Стари Илијаш“.

– Можам да ја потврдам информацијата дека ученичката го пријавила наставникот за развратни дела. Го почитувавме протоколот и во соработка со родителите го пријавивме случајот во полиција и истиот е процесуиран. Пријавувањето се случи вчера. Сè друго е на надлежните органи – изјави за „Аваз“ директорот на училиштето Адем Алиќ.

Од полицијата потврдија дека е уапсен наставникот Н.Б.