Тимо Закиќ (62) од Кикинда рано утринава во својата куќа бил убиен од неговиот соперник З.М. од селото Руско, кој потоа се обесил на поткровјето од истата куќа.

Убиството и самоубиството, досега незапамтено во Кикинда, се случиле во приградската населба Железнички нови ред, во куќата во која живеел самиот Закиќ. Телата на двајцата мажи беа пронајдени неколку часа подоцна. Закиќ не дошол на утринското кафе со соседите со кои се дружел, не одговарал на телефонските повици. А потоа сосетkata В.К. забележала крв на влезната врата и му кажала на сопругот.

– Се дружевме со Тимo, пиевме кафе заедно. Вчера наутро требаше да дојде кај нас. Бидејќи не дојде, сопругот го побара телефонски, но тој не се јави. Му пративме и СМС пораки, но не одговараше. Ѓаволот не ми даде мир, па дојдов до портата и видов крв на вратата. Кога сопругот се приближи, се гледаше крв. Се јавивме на сосед кој работи во полиција, бидејќи од страв не се сеќававме ни на бројот. Ја известивме полицијата, таа брзо дојде. Прво го најдоа Тимо мртов во куќата, а друг маж на поткровјето – изјавила вознемирен В.К. чија куќа е точно спроти онаа во која се случило злосторството.

Закиќ бил убиен од неговиот соперник, сопруг на извесна Е.М., со која бил во врска. А таа жена ноќта меѓу понеделникот и вторникот била кај Закиќ и, според соседите, ја однел на работа, до пекарата во Руско село каде што работела.

– Нејзиниот сопруг го чекаше пред куќата, кога Тимо се врати. Се чини дека тој прво го удрил со чекан и го одвлекол телото во куќата, каде дополнително го прободел со нож. Може да има повеќе убодни рани. Потоа убиецот отишол на таванот и таму се обесил – вели друг сосед.

Според зборовите на соседите на Закиќ, убиецот кој сам си пресудил дошол во населбата со автомобил, кој го оставил на сред улица. Во куќата на Закиќ дошол пеш и го чекал таму, а потоа брутално го убил. Злосторството се случило рано наутро, а соседите дури после осум часот забележале дека Закиќ го нема.

– Рано сабајле, околу пет часот слушнав удар, како нешто да падна. Но, мислев дека некој од соседите прави нешто, дека некој поминува – вели В.К.