Во страшна сообраќајна несреќа кај селото Челарево во близина на Бачка Паланка на југот од Србија, на лице место загинал Новица Б.(28), а тешко повреден е неговиот сограѓанин и добар пријател, една година помладиот Александар Б., кој се наоѓа во Ургентен центар.

Несреќата се случила дваесетина минути пред полноќ, кога автомобил „пежо 406“ управуван од Новица Б. излетал од патот и удрил во дрво. Се сомнева дека изгубил контрола над возилото поради несоодветна брзина.

Пријатели и роднини се собрале во куќата на Новица Б. за да му изразат сочувство на семејството во најтешките моменти од нивниот живот. За мајката, таткото и помалата сестра нема утешни зборови. Во еден миг останаа без својот Новица.

– Никој нема сила да каже ништо, особено родителите, разбирате – со скршен глас изјави за Новости еден од нивните роднини.

– Ако прашате, ќе слушнете дека Новица беше најдобро момче. Спортист. Наскоро требаше да докторира на Природно-математичкиот факултет во Нови Сад. Го повикаа да биде асистент. Момче за пример. Но, злобната судбина прекина сè – вели тој.

А во куќата на Александар Б., молк и тишина. Загрижени се за својот Аца, но уште повеќе се потресени дека неговиот најдобар пријател починал.

– Во петок со автомобилот требаше да отпатуваат за Херцеговина на одмор – раскажува мајката на Александар, Душанка за тоа какви планови имале младите.

– Колку што слушнав, Новица го заменил автомобилот со друг, па сакале да го тестираат, на тој пат меѓу Гајдова и Челарево. На враќање се случи несреќа.

Пораснале заедно

Длабоко загрижена за нејзиниот брат, но и длабоко потресена од смртта на Новица, сестрата на Александар, Милица, вели дека тие двајца биле многу блиски:

– Таа вечер играа карти, а потоа отидоа да го пробаат автомобилот. Новица ми беше школски другар, растевме заедно и тешко е да се поверува дека го нема. Тој беше прекрасен млад човек. Се занимаваше и со спорт, играше фудбал. Пример за секого. Работеше како молер, се занимаваше со работа во Белград, сега беше на одмор.