Денеска во Белград и во Ваљево се уапсени десет лица под сомнение дека преку социјалните мрежи измамиле најмалку 1.000 луѓе, ветувајќи им сигурна добивка при обложување на фудбалски натпревари, барајќи за возврат да платат одредени суми пари.

Потоа, како што се сомнева, од обложувалница на оштетените им испратиле фалсификувани тикети со добивка од 8.000 евра, барајќи да им платат дополнителни 620 евра, за да им ги испратат шифрите за пристап до добиените пари. На овој начин незаконски присвоиле најмалку 56.110.000 динари.

Се верува дека „Смекер тим“, како што ја нарекувале групата измамници, се огласувала преку старлетата, за која Курир пишуваше претходно.

Како што дознаваме, нив ги рекламирале Александра Суботиќ, Тара Симов, Ана Кораќ, Сандра Африка, Станија, Маја Маринковиќ, Ива Гргуриќ, Драгана Митар, Милица Кемез и Анабела.