Речиси еден месец по несреќата што се случи кај местото Радишиќи во Босна и Херцеговина, кога под се уште неутврдени околности се урна моторен змеј, битката за живот ја загуби Иван Барбариќ-Иво (38) од Широки Бријег, кој управуваше со тоа летало.

Како што за порталот „Аваз“ потврдија од Обвинителството на Кантонот Западна Херцеговина, „во саботата на 23 јули, од страна на лекарот од Универзитетската клиничка болница (УКБ) Мостар, дежурниот обвинител бил известен дека починал И.Б. (1984) кој се здобил со повреди при пад на змеј-авион на 26.06.2022 година во Радишиќи“.

– Вршителот на должноста обвинител нареди обдукција, која е извршена врз телото на жртвата денеска, 25.07.2022 година за да се утврди точната причина за смртта, по наодот и мислењето на надлежниот судски вештак, изјави Петруњела Матијевиќ, виш соработник и службеник за односи со јавноста во Обвинителството на ЖКК.

Таа наведе дека во тек е кривичната истрага во чии рамки ќе бидат сослушани сведоците, ќе биде наредено потребното вештачење и ќе се соберат други потребни докази за да се утврди причината за овој трагичен настан.

Да потсетиме, по несреќата беше кажано дека пилотот имал проблеми со приземјувањето на леталото.

Недолго по несреќата, несреќниот Барбариќ бил опериран во УКБ Мостар, а е хоспитализиран на Клиниката за анестезија, реанимација и интензивно лекување на оваа болница.