Млад турист од Романија на Тасос скокнал во плиткото море и поради тешка повреда на вратот најверојатно ќе остане неподвижен.

Оваа вест и предупредување ја соопшти Националната служба за итни случаи на Тасос и повторно апелираше до сите туристи да не скокаат во популарниот природен базен Giolu.

Како што наведуваат, во јуни веќе имало неколку тешко повредени туристи поради скокање во ова популарно место, а десетици од нив секоја сезона тешко се повредуваат.

Друга работа на која предупредуваат е популарното набљудување на слетувањето на авионите на Скијатос, кое сè уште ги забавува туристите иако секоја сезона се случуваат несреќи, а понекогаш и смртни случаи.

Вчера, како што велат, за малку ќе настрадала Британка и нејзиниот живот се уште е во опасност, а изминатите сезони имало и други немили случаи што се случувале овде, објавено е на Фејсбук страницата „Во живо од Грција“.

Маж од Србија се удавил во Неа Пори

Маж од Србија се удавил во Грција додека се обидувал да ја извлече на брегот својата внука која морската струја ја носела на душек. Информацијата е објавена на Фејсбук страницата „Во живо од Грција“ со предупредување, но и апел до туристите за опасностите кои демнат во одморалиштата.

Потсетувајќи дека имало слични случаи и минатата година, туристите се предупредуваат дека кога има ветер и малку бранови, малите деца да не бидат сами на душеците, ниту пак да се грижат за нив родителите или бабите и дедовците кои не знаат да пливаат.

-Дедото од Србија почина вчер, беше објавено на Фејсбук страницата „Во живо од Грција“.

Според сајтот, дедото од Белград, за кој се претпоставува дека има околу 70 години, се удавил во одморалиштето Неа Пори.