Истрагата за трагичната смрт на Мате Балота, 17-годишниот ученик од гимназијата во Пореч, кој загина на екскурзија во Прага, продолжува. Објавен е официјален извештај за тоа што се случувало ноќта меѓу петокот кон саботата на петтиот кат во ноќен клуб во центарот на Прага, а психолошка поддршка им се дава на семејствата, учениците и наставниците.

„Од очевидци полицијата утврдила дека се работи за несреќен случај. Младиот човек ја прескокнал оградата на балконот до ресторанот на петти кат и најверојатно сакал да изведе „паркур“ трик. Станува збор за умешност за надминување одредени препреки. За жал, при тој скок тој паднал на отворен простор, рече амбасадорката Љиљана Панциров.

Таа додаде дека обдукцијата многу бргу ќе биде завршена, бидејќи се работи за немил случај и дека од утре ќе може да се организира враќање на телото на младиот човек во Хрватска.

На учениците и наставниците им се пружа психолошка помош, вклучен е кризен тим, експерти, психолози. Посебните протоколи се почитуваат и се следат и се формираат советодавни одбори.

Градоначалникот на Пореч, Лорис Першуриќ, извести дека кризниот штаб за вакви ситуации во округот Истра започнува со психолошка помош, која, како што вели, ќе им биде потребна на сите.

Средношколците од Пореч кои беа на училишна екскурзија во Прага, при што трагично загина нивниот 17-годишното момче, синоќа се вратија во Пореч шокирани од тој настан. Пред училиштето веќе беа запалени свеќи и беа оставени рози во спомен на загинатиот ученик.