Германската полиција денеска соопшти дека маж убил 14-годишно девојче, а тешко ранил друго, 13-годишно, додека оделе пешки кон училиште.

Полицијата во југозападниот град Улм соопшти дека девојчињата биле итно пренесени во болница по нападот кој се случил околу 7:30 часот во блискиот град Илеркирхберг.

Нема информации за оружјето со кое мажот ги нападнал.

Осомничениот побегнал во блиската куќа каде полицијата уапсила три лица, претпоставувајќи дека едното е напаѓачот.

По нападот сведоците веднаш повикале полиција и итна помош, а болничарите ги префрлиле двете девојчиња во болница.

Обезбедување докази на местото на злосторството во Илеркирхберг во близина на Улм

Германската новинска агенција ДПА јави дека полицијата сè уште се обидува да го утврди мотивот за нападот.

Службите за итни случаи го испитуваат местото на злосторството во Илеркирхберг