Општинскиот суд во Загреб осуди 28-годишен загрепчанец и го казни со парична казна од 40.700 куни (5.300 евра) за повеќекратно прекршување на законот.

Во четврток, 25.08.2022 година, околу 12 часот, 28-годишен маж управувал автомобил со загрепски регистерски таблички во Загреб, улица „Велика Пољаница“ во правец кон исток.

По набљудување на возилото и возачот, полициските службеници утврдиле дека 28-годишниот возач го управувал возилото пред стекнувањето на правото на управување и во времето кога му била изречена мерка дека не може да се пријави за издавање на возачка дозвола.

„Понатамошните проверки покажале дека тој го управувал возилото додека била во сила заштитната мерка забрана за управување со возила од категоријата „Б“, како и дека на патничкиот автомобил му истекол рокот на сообраќајната дозвола“, извести загрепската полиција.

Во извештајот се додава дека 28-годишниот возач во таа прилика одбил да биде тестиран за присуство на лекови и дрога во телото. Потоа бил уапсен и изведен во Општинскиот суд за прекршоци во Загреб, каде што бил прогласен за виновен за низа прекршоци.