Македонски државјанин починал откако му се слошило додека нуркал во областа Бриони кај малиот хрватски остров во Јадранското море, Вис.

Како што се дознава, веднаш била испратена брза помош да интервенира, но нуркачот веќе починал. Трагедијата се случила денес околу 11:00 часот во близина на островчето Равник, на 500 метри од заливот Рукавац на Вис.

Областа Бриони кај Вис е меѓу најатрактивните области за нуркање во Јадранското Море, каде што доаѓаат многу нуркачки ентузијасти од странство.