Корнелије Ковач, познатиот композитор, почина денеска на 81-годишна возраст во Белград. Ковач беше автор на некои од најголемите хитови на Здравко Чолиќ.

Беше композитор, пијанист и аранжер, а пишувал музика за театар, филмови и телевизија.

Ковач ја составил својата прва композиција „Пусти тротоари“ веќе на 14-годишна возраст (во 1956 година). Десет години подоцна, тој стана член на најпопуларниот сараевски рок бенд „Индекс“.

Потоа во 1968 година ја основал групата Корни, која ја претставувала СФР Југославија на Евровизија во 1974 година. Ковач напиша песни и за Лепа Брена.

Ќе остане запаметен по хитовите: “April u Beogradu”, “Živiš u oblacima”, “Zvao sam je Emili”, “Jedna zima sa Kristinom”, “Jedina”, “Mađarica”, “Ti samo budi dovoljno daleko”, “Janoš”, “Sanjam”, “Sitnije Cile, sitnije” и многу други.

Зад него остаа три ќерки Александра, Кристина и Ања и син што го доби во вториот брак по смртта на првата сопруга Споменка.