Белоруски синдикален активист, Улаџимер Крисијак кој учествуваше во големиот штрајк на работниците на компанијата за преработка на нафта во 2020 година, беше пронајден обесен неколку дена откако полицијата го испрашуваше во врска со неодреден случај.

Според центарот за човекови права „Вјасна“ (Пролет) со седиште во Минск, Крисијак бил погребан на 1 јуни, два дена откако неговите роднини го пронашле обесен дома.

Минатата недела, Крисијак помина 72 часа во притвор и пред да го ослободи да му нареди да не го напушта градот. За време на притворот бил сослушан без да му се соопшти за кое кривично дело.

Роднините и колегите на Крисијак велат дека полицијата му се заканувала дека ќе го испрати во затвор на 12 години.

Крисијак беше активен учесник во штрајкот во 2020 година, кој беше протест против официјалните резултати од претседателските избори во август кои го прогласија авторитарниот владетел Аљаксандр Лукашенко за победник поради обвинувањата на опозицијата дека гласањето било наместено.

Крисијак минатата година беше кандидат и за претседател на независен синдикат.