Подолго време се шпекулираше за разводот на актерот Момчило Оташевиќ и неговата сопруга, колешката Јелена Перчин, а сега стигна и потврда.

Пред две години Момчило Оташевиќ и Јелена Перчин го добија синот Јакша, кој заедно со четиригодишната Маша и ќерката на Јелена од првиот брак, Лота, го сочинуваат нивното најголемо богатство.

Јелена сега потврди дека таа и Момчило се разведуваат.

– Како? Тешко прашање. Тешко е. Глупаво ми е да лажам. Се разделуваме. Секогаш се трудев да не зборувам за мојот интимен живот, не зборував за венчавката, па нема да зборувам ниту за разделбата. Секое раскинување е страшно. Страшен настан и страшен период. Се концентрирам на тоа да бидам што е можно поприсутна и сталожена заради децата – изјави за хрватска „Глорија“ Јелена, која е девет години постара од Оташевиќ.

– Добив безрезервна поддршка од моите пријатели. Мојот интимен круг е со мене цел живот и се познаваме многу добро. Сите знаеја дека одлуката не ја донесов случајно – додава таа.

– Доживеав многу во животот, многу екстремни ситуации и научив дека можеш да преживееш. Во мојата глава е дека додека сум здрава и имам две раце и нозе, некако ќе биде… Ќе можам да направам нешто – заклучува четириесет и едногодишната актерка.

Момчило Оташевиќ е роден во Цетиње. Глумеше во продукциите „Čista ljubav“, “Budva na pjeni od mora”, “Kud puklo da puklo”, “Komšije” и други. Јелена Перчин е од Дубровник, а публиката ја знае по улогата од “Zabranjena ljubav”.