Во Домот за стари лица во Пеќ уапсени се две работнички поради видео кое се појави на социјалните мрежи на кое се гледа како малтретираат постара жена, соопшти косовската полиција. Во меѓувреме, Газета Експрес објави дека четири медицински сестри биле суспендирани поради овој случај.

Се прецизира дека лицата се уапсени околу 14 часот и 10 минути и дека во соработка со обвинителот ќе бидат преземени понатамошни мерки. На видеото кое денеска беше главна вест во приштинските медиуми може да се види како старицата се обидува да се одбрани додека работникот повеќепати ја удира по лицето и ја удира со нога во стомакот.

Од Основното обвинителство во Пеќ соопштија дека во овој случај се ангажирани двајца обвинители. Доријан Јунику, еден од двајцата обвинители во овој случај, за медиумите изјави дека се уапсени две лица со иницијали А.П. и А.Р.

Во меѓувреме се огласи и портпаролот на полицијата за Пеќ, Фадил Гаши, кој рече дека нападот на медицинската сестра врз старицата се случил пред пет дена (29.10).

„Три лица од тој Центар се уапсени, а случајот се случил на 29 октомври. Едно лице се товари за кривично дело „напад“, друго за „помагање во извршување напад“, а третото за „неовластено снимање“, изјави Гаши за Klankosova.tv.

Четири медицински сестри се суспендирани од работните места во центарот за стари лица „Оренда“ во Пеќ, каде се појави видео на кое се гледа како неколку вработени тепаат и психички малтретираат жена. Газета експрес објави и документ кој наводно го објавил овој центар за суспензијата на медицинските сестри. Во документот што го објави овој приштински медиум, се наведува дека насилството извршено врз старицата било „недолично однесување“.

Се огласи таткото на насилната медицинска сестра

Таткото на медицинската сестра Аурона Пелај, Наим Пелај, која се појави во видео скандалот како физички ја напаѓа повозрасната жена во Пеќ, јавно се извини за постапката на неговата ќерка.

Јавно извинување и прошка побара и од семејството на старата жена, велејќи дека објавените слики тешко го погодиле него и семејството. Инаку, старата жена е мајка на поранешен војник на УЧК, Таулант Нура.

„Почитувано семејство на мајката на слободарскиот маченик Таулант Нура, благодарение на неговата крв денес уживаме во слободата, сакаме да ја споделиме болката со вас и од длабочината на душата ја чувствуваме со вас повредата што ја има предизвикано нашата ќерка. Знам дека поминувате низ тешки моменти, но дозволете ни јавно да се извиниме во името на моето семејство Пелај, на вас, на семејството Нура и на целиот албански народ. Дај Боже овој случај да не се повтори, а ние морално и духовно цел живот ви должиме вам, за духовната трагедија што ви ја предизвика нашата ќерка“, изјави Пелај за Клан Косова.

Пелај побара правосудните институции да се позанимаваат со предметниот случај.

„Исто така, во случајот со нашата ќерка, бараме од органите на прогонот да постапат според законите на Република Косово за делата за кои ја товарат.