Рускиот претседател Владимир Путин во средата прогласи делумна воена мобилизација.

Путин, кој го започна своето обраќање до нацијата денес наутро, на почетокот на својот говор рече дека Западот „ќсака да ја уништи Русија и дека се работи за одбрана на Русија и териториите на Донбас.

Тој рече дека Русија го поддржува и штити тоа население и нема право да го напушти. Путин говореше еден ден подоцна откако проруските сепаратисти најавија референдуми за приклучување на четири окупирани украински региони кон Русија подоцна оваа недела – Луганск, Доњецк, Керсон и дел од Запорожје.

„Граѓаните на Доњецк и Луганските народни републики, Керсон и Запорожје и други области ќе бидат ослободени од нацистичкиот режим.

„Ќе разговараме за чекорите за заштита на нашиот суверенитет, за поддршка на волјата и желбата на нашите граѓани да одлучуваат по своја волја. Тој рече дека западните земји се обидуваат да ја блокираат секоја независност и развој.

„Целта на Западот сè уште е да нè oслабне и уништи итие тоа отворено го кажуваат. Путин додаде дека Западот го направи украинскиот народ „топовско месо“ уште во 2014 година, кога беше анектиран полуостровот Крим. Тој рече дека главната цел за ослободување на луѓето од регионот на Донбас останува непроменета.

Путин додаде дека ги поддржува луѓето кои сакаат да одржат референдуми во деловите на Украина под контрола на Русија.

„Ќе направиме се за да обезбедиме безбедни услови за одржување на референдумот“ – рече тој.

Тој потоа нареди делумна мобилизација на руските резерви велејќи дека декретот за тоа е веќе потпишан.

„Нагласувам дека ова е делумна мобилизација. Ќе бидат мобилизирани само оние кои се во резерва“ – вели тој. Тој нагласи дека мобилизацијата ќе започне денеска.

„Ќе нагласам дека руските граѓани поканети како дел од мобилизацијата ќе ги имаат сите исти бенефиции како и оние кои служат според договорот“ – рече тој.

„Западот ги премина сите граници во својата агресивна антируска политика“ – рече рускиот претседател. Тој го обвини Западот дека планира да ја уништи Русија и да користи нуклеарна уцена преку Запорожје.

Путин рече дека ќе ги искористи сите средства што ни стојат на располагање и дека оние што се обидуваат да користат нуклеарна уцена против Русија ќе увидат дека работите би можеле да се свртат против нив.

Тој го потсети Западот дека Русија има модерно оружје за масовно уништување и нагласи: „Не блефирам“.

Да потсетиме дека сепаратистите повикаа на што поскоро одржување на референдумот во светло на контраофанзивата на Киев, кој ослободи голема територија на југот и североистокот на земјата.

Соединетите Американски Држави и Европската Унија постојано ја осудија идејата за одржување референдум, нарекувајќи ја измама и нелегитимна.

Русија го анектираше украинскиот полуостров Крим на сличен начин во 2014 година.