Велосипедистот кој попладнево беше прегазен во сообраќајна незгода во Скопје е во добра здравствена состојба. Скопје Инфо неофицијално дознава дека тој со скршеници е пренесен на скопските клиники, се чувствува добро и е во добра здравствена состојба.

На местото на несреќата се нашол и познатиот детски хирург Владимир Чадиковски кој асистирал во првата помош на пациентот. Очевидци за Скопје Инфо сведочат дека за среќа докторот се нашол во вистинско време и на вистинско место и додека се чекала Итната медицинска помош, тој укажувал прва помош на пациентот.

Скопје Инфо, пред повеќе од еден час објави дека на булеварот „Теодисиј Гологанов“ се случи тешка сообраќајна незгода.