Британката Робин Мејнес (24) од Валаси, Мерсисајд, била на одмор со своето момче кога паднала од вториот кат во апартманот во хотелот Розамар на шпанскиот остров Ибица познат по забавите.

Нејзиното семејство со скршено срце ѝ оддаде последна почит на Робин, по нејзината ненадејна смрт во неделата наутро, објави The Dream.

– Секогаш ќе ја сакаме и ќе се сеќаваме на фантастичната личност што беше. Нашите срца крварат поради загубата на некој толку посебен. Те сакам моја сестро, секогаш ќе те сакам – рекол нејзиниот помал брат Кам.

Викторија Кар, пријателка на Робин, ја опиша како „убава одвнатре и однадвор“ и „забавна“ личност. Тетката на Робин, Дајан Морисеј, започна кампања GoFundMe за собирање средства за да го врати телото на несреќната девојка во Британија.

Таа рече дека Робин отпатувала на Ибица со нејзиното момче и пријателите на 22 септември, а дека нејзината мајка добила „ужасен телефонски повик од британскиот конзулат“ три дена подоцна. Таа изјавила дека семејството во моментов знае дека Робин паднала од балкон од висина од девет метри и дека истрагата е во тек.

Робин беше прогласена за мртвана местото на настанот по падот, непосредно пред 9:00 часот во неделата во хотел со четири ѕвезди. Нејзиното момче, како што пренесува „Сан“, во тоа време бил со неа и го алармирал персоналот на хотелот, кој повикал брза помош.

Но, кога болничарите пристигнале во хотелот, не успеале да ја спасат.

„Сан“ пишува дека оваа трагедија е последна во низата и дека 35-годишна Британка починала на почетокот на овој месец откако паднала од шестиот кат во хотелот „Хелбер“ во Палма де Мајорка.

Претходно во септември, 55-годишен Британец исто така загина откако се лизна и падна од карпа висока 120 метри на Форментера, најмалиот остров на архипелагот Балеарски Острови. Минатиот месец 48-годишна Британка загина откако падна од осми кат од соба во хотелот Мелиа Палма Марина.