Министерството за внатрешни работи информира дека утринава е приведен вработен во ЈСП поради закана за поставување бомба.

-Приведен е Ј.И. вработен во ЈСП, по претходна пријава околу 5 часот од ЈСП дека од неговиот меил на службениот меил на ЈСП и на мејловите на сите директори, службите за финансии, правни и други служби во ЈСП со закана дека поради нередовното земање на плата планирал да постави бомба во автобус на ЈСП, која би експлодирала денес за време на протестите, информира МВР.

Од Министерството посочуваат дека се вршат антитерористички проверки и се преземаат мерки за расчистување на случајот.

Рано утринава на вработените во претпријатието не им беше дозволено да дојдат до своите работни места поради проверка на просторот од страна на екипите на МВР.

Од сообраќај беа повлечени сите автобуси на ЈСП.