Најмалку 24 лица загинале откако циклон го погоди брегот на Бангладеш, соопштија денеска властите.

Дрвја и столбови за струја биле откорнати, а водата ги поплавила ниските области откако циклонот наречен Ситранг ја погоди областа во текот на ноќта.

Камрун Нахар од Канцеларијата за управување со катастрофи изјави дека досега 24 лица загинале поради циклонот. „Штетата се уште се проценува“, изјави таа за ДПА.

Тројца членови на едно семејство, меѓу кои и едно четиригодишно дете, загинале кога дрво паднало врз нивната куќа во Нанголкот во областа Кумили, повеќе од 100 километри југоисточно од главниот град Дака, изјави претставник на локалната власт Раџан Мехбуб.

Две лица загинале кога врз нив паднале дрвја во крајбрежната област Боли, изјави Тухидул Ислам, официјален претставник на окружната администрација.

Тој рече дека невремето опустошило огромни полиња со земјоделски култури во областа на островот. Откорнати се многу дрвја и електрични столбови, додаде тој.

Уште една жена починала откако гранка од дрво паднала врз неа во југозападниот кварт Нараилу. Во другите случаи, еден човек загинал во Дака кога врз него се урнал ѕид од тули, додека две лица загинале откако нивниот мал брод се превртел во реката Џамуна во северозападната област Сирајгањ, соопштија официјални лица.

Владата евакуирала повеќе од 300.000 жители на крајбрежјето пред циклонот да удри на копното.

📸

📸

📸

📸

📸

📸

📸

📸

📸