Урош Блажиќ е уапсен утрово кога во селата Орашје и Дубона кај Младеновац уби 8 лица, а рани 14, а како што дознава „Блиц“, Блажиќ има две тешки кривични дела во своето досие.

Според сознанијата, Блажиќ во последните години има криминално досие – попречување на службено лице во вршење на должноста и недозволено изработување, држење, носење и дистрибуција на оружје и експлозивни материи.

– Пукаше со калашников, затоа толку масовно ги косеше луѓето кои беа во групи – вели изворот на „Блиц“.

При претрес на викендицата што ја користел осомничениот во Шевшин, полицијата пронашла карабина со оптика, пиштол, сигнален пиштол, два пригушувачи, ловечки нож и други делови од оружје, 164 куршуми различен калибар, 13 ловечки патрони, 12 чаури, 4 сигнални куршуми и 25 парчиња муниција карабина.

Исто така, при претрес на куќата и помошниот објект во населба Вињиште, полицијата пронашла четири рачни бомби, неколку кутии пиштолска муниција, неколку парчиња муниција за пушка, рамка за пиштол, две рамки најверојатно за автоматска пушка, носач за оптика, како и автоматска пушка без фабрички број.