Интензитетот на сообраќај на патните правци надвор од градските средини е зголемен.

– Долга редица од возила на граничниот премин Богородица. Граѓани велат дека се чека и по четири часа за влез во Грција, објавија медиумите.

На останатите гранични премини, од македонска страна, нема подолги задржувања за влез и излез од државата.

Големи колони за влез во Грција (фото: strumicadenes.mk)

Како што соопшто АМСМ, сообраќајот на државните патишта се одвива непречено, по суви коловози.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.