Земјотрес со јачина од 7,2 степени според Рихтеровата скала денеска го погоди југоисточниот брег на Тајван, соопшти Американскиот геофизички институт.

Локалното сеизмолошко биро, сепак, ја процени јачината на земјотресот на 6,8 степени, наведувајќи дека тој бил во ретко населениот југоисточен дел на островот, јави Танјуг.

Издадено предупредување за цунами

Пацифичкиот предупредувачки центар издаде предупредување за цунами, американските геолози тврдат дека епицентарот на земјотресот бил на 50 километри северно од градот Тајтунг на длабочина од 10 километри.

Според тајванските медиуми, двокатна зграда се урнала во близина на епицентарот, а земјотресот бил почувствуван и во северниот дел на островот, каде главен град е Тајпеј.

Тајван исто така беше погоден од земјотрес од 6,9 степени во саботата, објави Ројтерс.

Тајван на 21 септември 1999 година беше погоден од земјотрес со интензитет од 7,3 степени според Рихтеровата скала, при што загинаа над 2.400 луѓе.