Адвокатката Марија Такиќ Пешиќ (33), која пред година и пол ја воодушеви Србија со хуманитарна акција за собирање пакетчиња за сиромашни деца и деца без родителска грижа, почина во Ниш по тешко боледување.

Тажната вест на Твитер синоќа ја објави нејзиниот сопруг со кој успешно водеа адвокатска канцеларија во Ниш.

Марија Такиќ Пешиќ е родена 1989 година во Лесковац. Завршила петта белградска гимназија и дипломирала на Правниот факултет на Универзитетот во Белград во 2014 година со просечна оценка 9,21. Дипломирала на Правниот факултет за деловен англиски јазик во Лондон, акредитиран од „Британскиот совет“.

По завршувањето на праксата, правосуден испит го положила пред Министерството за правда на Република Србија во 2016 година, а звање адвокат се стекнала на 26 мај 2017 година. Била член на Адвокатската комора на Србија и на Адвокатската комора во Ниш.

Според информациите од веб-страницата на адвокатската канцеларија, таа успешно застапувала клиенти во граѓанска и кривична постапка, а била тесно специјализирана за семејно право, особено за брачни спорови, постапки за семејно насилство, како и постапки за остварување право на задолжително издржување.