Иако летната сезона допрва се вжештува, туристите од Македонија кои веќе заминаа на одмор во Грција ја доживеаја првата непријатност – скршени стакла на нивните автомобили.

На Фејсбук групата „Во живо од Грција“, еден член ја сподели оваа информација со други за да ги информира за инцидентот.

– Добивме известување дека пред најмалку еден час во Калитеа и Афитос на неколку автомобили (велат и до 20) со регистерски таблички од Македонија им биле скршени стаклата – напиша една членка во групата.

Постојат многу начини поради кои може да ви преседне одморот, а ова е еден од нив.

– Ова е срамен чин на „најобични будали“, врз основа на кој цел еден народ ќе биде окарактеризиран како таков – додаде таа.

На групата на Фејсбук, каде што беа објавени фотографии од автомобили со скршени стакла, една видно вознемирена членка им објасни на другите што да прават ако еден од овие автомобили е нивен.

-Ако некој од вас е меѓу нив, веднаш појдете во полиција во Касандра, многумина од нив веќе пријавиле и инсистираат да се погледнат камерите долж целиот пат бидејќи тоа не се случило на едно место, туку на неколку локации, напиша таа.

Таа исто така предупреди дека оние кои се во близина на овие места треба да ги преместуваат своите автомобили за да ги заштитат.

– Ако сте во областа, обидете се да го скриете вашиот автомобил некаде за да го заштитите од вандали и ултранационалисти – предупреди таа.