Американската амбасада во БиХ реагираше на новите најави на Милорад Додик за отцепување на Република Српска. Амбасадата соопшти дека Република Српска е ентитет во Босна и Херцеговина и дека не постои надвор од Босна и Херцеговина.

Тие рекоа дека според Уставот на БиХ, ниту ентитетот ниту која било друга административна единица од пониско ниво немаат право да се отцепат или да се обединат со друга држава.

– Милорад Додик не е во право ако мисли дека САД ќе стојат на страна додека тој ја турка Босна и Херцеговина во конфликт. Соединетите држави ќе ја заштитат Босна и Херцеговина и ќе се погрижат за осигурување на нејзиниот суверенитет, територијален интегритет и мултиетнички карактер, порачаа од американската Амбасада.