Туристка која штотуку станала полнолетна доживеа пекол на својот летен одмор во Хрватска годинава во јули. Имено, таа пристигнала од Германија со екскурзија.

Тој 8 јули, околу два часот по полноќ, дружењето со новопознаениот М.А.М. (32), роден Алжирец со француско државјанство, завршило кобно на плажата Катарелац во Паг. Девојката конзумирала алкохол, а тој ја искористил нејзината состојба.

Тој тврди дека било без присила

Тој се обидел да ја заведе, а откако девојката му рекла дека не сака ништо со него, туркајќи го, продолжил да ги задоволува своите сексуални нагони и на крајот ја силувал. Иако потоа побегнал во ноќта, полицијата сепак го пронашла.

Тој ја негира вината, тврдејќи дека двајцата се бакнувале без принуда, се капеле во морето, а тој застанал кога таа му рекла дека не сака да оди понатаму. Тој кажа и дека се гушкале на разделбата и дека девојката го „додала“ на Инстаграм.

Таа дошла плачејќи

Нејзината приказна, сепак, значително се разликува од неговата, а таа го открива хоророт низ кој поминала таа вечер, посочувајќи дека го додала на Инстаграм пред да избега, за да не го налути.

За помош се обратила кај обезбедувањето на блискиот клуб. Истрчала кон него во солзи, вознемирена и во голем страв. Покрај полицијата, во случајот се вклучи и државното обвинителство на Задар, кое неодамна поднесе обвинение против туристот од Франција, кој се брани од слобода.