Вчераутро околу 3 часот во СВР Скопје е пријавено дека во Градската oпшта болница „Св.Наум Охридски” бил донесен Н.М.(28) од Скопје со повреди од огнено оружје.

Според пријавеното, тој бил ранет на булеварот „Јане Сандански”, а посочил дека врз него пукал човек од селото Горно Оризари.

Известен е јавен обвинител, утврден е идентитетот на сторителот и се преземаат мерки за расчистување на случајот.

Ова е втор инцидент со пукање од огнено оружје, во кој е ранет жител на Скопје во последните 24 часа. Претходно, МВР соопшти дека 24-годишен полицаец, кој во моментот не бил на должност, е повреден кога врз него пукал напаѓач во населбата Топанско Поле.