Девојка од Белград во анонимна исповед го опишала страшниот момент кога сфатила дека нејзиното момче ја изневерува со сестра ѝ!

Според податоците од истражувањето спроведено ширум светот, но и според она што го гледаме околу нас, се чини дека има се помалку врски во кои партнерите не изневеруваат. Прељубата е секогаш крајно непријатна, а уште полошо е кога партнерот изневерува со некој близок.

Токму тоа ѝ се случило на една девојка од Белград која во својата исповед го опишала моментот кога по две години врска го фатила своето момче како ја изневерува сестра си.

– Се запознавме во 2018 година во клуб. „Хемијата“ проработи веднаш и знаев дека тој е оној по кој ќе бидам луда. После клубот отидовме во мојот стан каде се бакнувавме со часови. Ми кажа убави работи и рече дека сум убава. Продолживме да се гледаме за време на викендите, се додека полека но сигурно не влеговме во врска – ја започнува својата исповед девојката.

Таа наведува дека слушнала разни приказни за нејзиното ново момче.

– Го сметаа за женкар, но јас не верував во градските приказни. Секогаш беше љубезен кон сите, особено со жените, ако мислев дека флертува со некого, ќе ми кажеше дека е само љубезен. Бев „слепа“, не ни разбирав што се случува. Моите пријатели и сестра ми ми кажаа дека ме изневерува, но јас не им верував. Се додека еден ден не најдов глетка која ме згрози и ме натера никогаш повеќе да не верувам никому – раскажува девојката.

На крајот решила да ги провери гласините.

– Бидејќи целото мое опкружување ме поттикна да го проверам, конечно го направив тоа. Не успеав да му го проверам телефонот бидејќи секогаш го имаше со себе. Еден ден почнав да го следам. Не за да го фатам како изневерува, туку да им докажам дека сестра ми и пријателите грешат. Стоев со часови пред неговата зграда додека не го видов како влезе во автомобилот, а потоа го следев во такси. Кога се паркираше пред неговата викендица, тргнав со таксито малку подалеку за да не ме забележи. Потоа излегов од автомобилот и тргнав таму – вели девојката.

Следуваше неверојатен шок.

-Кога стигнав имав што да видам, моето момче, мојата љубов и мојот иден сопруг се бакнуваше со сестра ми, истата која цело време ми велеше дека ме изневерува. Бев лута како рис. Го зедов ножот и почнав да ги бркам низ викендицата. Немав намера да им направам ништо, но гневот владееше со мене. Завршив со забивање на ножот во вратата. Се свртев и истрчав назад во градот. Ме бркаа со своите автомобили и ми рекоа нешто, но од шокот не можев да ги слушнам. Кога дојдов, бев лута, повредена, бесна. Ѝ простив, затоа што ми е сестра, а на сите им го кажувам најлошото за него, заклучила анонимната белграѓанка.