Во австрискиот град Кирхберг, во Тирол, се случи необична несреќа која можеше да има фатални последици. Имено, според ЛПД Тирол, хрватска државјанка (37) била прегазена од сопственото возило.

Се се случило завчера, околу 9 часот, кога една жена го паркирала автомобилот пред продавница. Сепак, според полицијата, самото место каде бил паркиран автомобилот бил со благ наклон, а таа очигледно заборавила да ја крене рачната сопирачка.

При тргнувањето, автомобилот почнал да оди надолу, а жената брзо се обидела да ја повлече рачната сопирачка, но возилото веќе тргнало наназад и ја прегазило, пренесува kroativ.at.

Оваа 37-годишна жена се здобила со сериозни повреди и со хеликоптер била пренесена во болница во Инсбрук. Информации за нејзината состојба не се објавени.