Во стан во сплитската област Висока околу 20 часот и 30 минути е убиен маж, а според првичните информации постои сомневање дека смртните рани му ги нанела неговата невенчана сопруга, јавува Слободна Далмација. И двајцата имаат околу 50 години, а живееле во стан под наем во семејната куќа.

Полициската управа Сплит-Далмација добила известување дека околу 20 часот и 35 минути е добиена информација дека во стан во Сплит има починато лице.

– На телото на лицето има траги кои упатуваат на кривично дело. Лицето поврзано со инцидентот е во полициските простории и во тек е кривична истрага. За настанот е известено окружното државно правобранителство. Ќе следи истрага – изјавија тие.

Според неофицијални информации на лице место била првата брза помош која ја известила полицијата. Жртвата има повеќе убодни рани на кои им подлегнала и покрај напорите на медицинскиот персонал.

Како што дознава „Слободна“, на убиството му претходела расправија што ја слушнале соседите.