Суљо Џигал, кој живее во Холандија, загина завчера во родната Сјеница. Несреќниот маж починал на диво градилиште, кое, како што се сомнева, не било соодветно обезбедено.

Џигал дошол во Сјеница на одмор и како што е познато паднал во дупка наменета за лифт.

Според српските медиуми, конкретната зграда е во сопственост на Алдин Куртовиќ, општински советник, брат на претседателот на општинското собрание Рејхан Куртовиќ и носител на списокот „Без дискриминација“, кој учествуваше на локалните избори.

Неименуваните соговорници на Република.рс наведуваат дека градилиштето не било обезбедено, не било осветлено, а немало ниту надворешна лента за оградување на просторот во изградба.

Според зборовите на Касим Џигал, далечен роднина на загинатиот, Суљо отишол на градилиштето за да го види станот што сакал да го купи.

– Ја слушнав таа верзија и дека при разгледување паднал во дупка во зградата наменета за лифт, која не била обезбедена – рече тој.

Истрагата за оваа несреќа е во тек.