Деветтоодделенец од подгоричкото основно училиште „Штампар Макарије“ и неговиот постар брат вчера утрото околу десет часот биле тешко повредени во физичка пресметка со татко на девојче кое го посетува истото училиште.

Според неофицијални информации на Побједа, физичкиот напад се случил откако дознале дека момчето ја уценува девојката за фотографирање. Порталот roditelji.me наведува дека и зел одредена сума пари од неа.

Откако родителите дознале што се случува, таткото побарал од момчето да ги врати парите и да ги избрише фотографиите, но бидејќи не го сторил тоа, решил сам да го реши проблемот.

Директорот на основното училиште „Штампар Макарије“, Новица Гачевиќ рече дека инцидентот се случил во близина на дворот, но дека училиштето до денеска немало информација дека имало некаков проблем меѓу девојчето и момчето од деветто одделение.

Според него, ниту нивните родители не ги известиле дека има некаков проблем. Гачевиќ рече дека момчето и претходно имало проблематично однесување, но дека ништо не знаеле за уцена. Тој изјави дека проблемот меѓу децата кулминирал во последните неколку дена.

Како што рече, според информациите што ги добиле од останатите ученици токму денеска, причината била тоа што момчето некако дошло до нејзиниот мобилен телефон, од каде ги симнал фотографиите за кои подоцна ја уценувал.

– За тоа ѝ побарал пари, а како што дознавме таа му дала одредена сума за да избегне да ги објави тие фотографии или да ги испрати некому. Слушнавме дека таткото на девојчето, кога дознал за тоа, побарал од него да ги избрише фотографиите и да ги врати парите, но тој не го сторил тоа – рекол Гачевиќ.

Во тепачката користен е и пендрек

Според неофицијални информации, таткото на девојчето бил во друштво со уште неколку возрасни лица, а во тепачката користеле и пендрек. По интервенција на полицијата учесниците во конфликтот се пренесени на распит во Клиничкиот центар, за на повредените да им биде укажана лекарска помош.

Полицијата засега не стапила во контакт со управата на училиштето, а делот каде што се случил инцидентот се наоѓа во близина на дворот и, како што рече Гачевиќ, нема видео надзор.