Макeдонската ракометна репрезентација вчера беше поразена од Холандија со 24:34, а по овојнатпревар се случил голем скандал.

Имено, според објави на македонски навивачи поранешниот македонски репрезентативец Ацо Јоноски кој сега е помошник во стручниот штаб на Лазаров тргнал да се пресмета со група македонски навивачи.

Во објавата на еден од навивачите стои дека Јоноски сакал да се пресмета поради упатените свирежи.

„Веројатно патот од 1500 километри и патувања по 16 саати, спиење по неколку сати и безпоштедно навивање по локали, фанзони и на натпревари беа малку па на крај на упатените свирежи да добиеме возвратен одговор од Ацо Јоновски и повик за пресметка со навивачите.

Ацо, пријателе, не е лесно да си на “другата страна”. Ако не го поднесваш притисокот ауфидерзен бате.

Никој не е вечен на позицијата, само навивачите ќе останат до крај без оглед на се“, стои во Фејсбук објавата на навивачот“.
жж

Реакција имаше и уште еден навивач.

„Ацо Јоноски наместо да повикува на тепачка надвор од салата, да дојде јавно да се извини на мене и на уште еден навивач за критиката што не ја прифати по завршување на мечот. Ако сака да се тепаме, ќе се тепаме – тоа е најлесно решение.

Очигледно најтешко во овие моменти е да дојдеш и да поразговараш со навивачите колку толку и да ги објасниш причините за поразот, па го избираш полесното решение.

Од мене имате бојкот и свртен грб против Аргентина. Не заслужувате никаква искрена поддршка со ваквиот пристап на игра и со однесувањето на поединци кои се дел од стручниот штаб“, објави во коментар на Фејсбук, навивачот кој имал конфронтација со членот на македонскиот стручен штаб.