Тешка сообраќајна несреќа се случи попладнево на обиколницата кај Скопје во која има една жртва, говорат првичните неофицијални информации. Уште еден велосипедист во критична состојба е пренесен во Ургентниот центар.

Од МВР информираа дека во 15:48 часот е пријавено дека на обиколница, после клучка Радишани во правец кон Тетово се случила сообраќајна несреќа во која возило „Мазда“ со скопски регистерски таблички управувано од Р.Р. (63) удрило во двајца велосипедисти – А.Ш., кој починал на лице место и А.П., кој се здобил со повреди и со возило на Итната медицинска помош е пренесен во ургентен центар „Мајка Тереза“.

Полициски екипи во моментов вршат увид на место на настанот. Неофицијално дознаваме дека загинатиот велосипедист е Арбер Шакири од Скопје, татко на две деца.