Приватниот детектив Браца Здравковиќ за српските медиуми уште пред да биде извршена ДНК анализата изјави дека е 95% сигурен дека пронајденото тело е на Матеј Периш поради забната протетика, бидејќи Периш имал специфични горни заби.

– Очигледно се работи за Матеј Периш. Поради истрагата и протезата на неговите заби, тој имаше специфични горни заби и беше пронајден по четири и пол месеци. Телото е во релативно добра состојба, во фаза на распаѓање, но зимата знае да го зачува зачува телото и да се појави човек по неколку месеци. Ова не е прв пат да се случи ова и трупот е добро сочуван. Ова е само почеток на приказната, ги отфрливме сите теории каде би можел да биде Периш. Пред 2 недели посетив над 30 манастири во Србија, бидејќи имавме многу дезинформации дека се замонашил. Оваа информација не беше точна, пронајден е млад човек и 95% сум сигурен дека се работи за него. Според протезата можело да се заклучи дека се работи за него. Сега само го чекаме официјалниот извештај – објаснува детективот Здравковиќ, кој се осврна на завршниот дел од истрагата – обдукцијата.

– Кога ќе се направи обдукцијата, точно ќе знаеме кога настапила смртта. Приказната дека е фрлен овде пред 2 недели е глупост и дезинформација. Исто, зошто реков дека само 15% од случаите се решени. Глупост е што некој дошол да дочека Нова година, па демек земал „спид“, па пола од младите користат „спид“, па никој да не се удави. Второ, таа веројатност да дошол од Сплит со намера за да се удави во реката Сава поради оваа или онаа причина е еднаква на приказната за живеење на 33 кат, па одење во Лајковац и скокање од 3-кат. Шансата да дојдеш од прекрасниот син Јадран за со намера да се удавиш во матна вода полна со фекалии и РАМНА НА НУЛА. Сигурен сум дека тој не бил млад човек кој е во ризична група која би извршила самоубиство – изјави приватниот детектив Здравковиќ.

Здравковиќ смета дека се решени само 15 отсто од случаите, а потоа рече дека до вчера и самиот се надевал дека Периш е жив.

– Тој нема досие, ниту припаѓал на некоја криминална група и сите овие претпоставки се анулирани уште од почетокот. Единствената претпоставка што останува во центарот на вниманието е дека се удавил, сега причината е, како, зошто истрчал 2 км и скокнал да се удави, тогаш зошто не се удавил кога влегол во водата туку бил пронајден овде? Во тимот за кој работам има 30 детективи кои биле припадници на полициска или армиска служба. Само ние тврдевме дека младиот човек е уште жив, не сум луд, ја знам моќта на реките Дунав и Сава. Кога зборувате за Сава, Сава е мал поток во однос на моќта на Дунав. Во моментот кога некој ќе се удави во таа близина, односно на Ушќе, силата на Дунав турка на оваа десна страна, а јас тоа го знаев. Но, јас не сакав да барам мртовец и до вчера верував дека Матеј Периш е жив. Имавме средба со директорот на нашата детективска агенција и ни беше кажано да не зборуваме повеќе за случајот. Полицијата сега нека си ја заврши работата, ова е само 15% решен случај – вели Здравковиќ.