Невидени слики кои го покажуваат невештото и криминалното невнимание на градежниците во источна Турција доаѓаат од Кахраманмараш, кој беше срамнет со смртоносните земјотреси кои резултираа со загуба на повеќе од 20.000 луѓе до денес.

На видео кое кружи на интернет и го објавија турски медиуми како Сабах, двајца мажи со неверување покажуваат кон зграда која се навалила наназад, откривајќи дека е изградена во „воздух“ бидејќи нејзините темели се непостоечки. Станува збор за станбена зграда од пет ката која иако не е урната, сепак навалила така што сега е непогодна за живеење.

Во снимката од околу 40 секунди се слушаат мажите како велат дека во зградата нема пукнатини и дека не се скршени ниту прозорците.

„Не ми се верува, погледнете овде!, вели еден човек додека камерата покажува дека зградата во суштина била изградена на земја без потребните столбови и темели.

Експертите во турскиот весник Сабах истакнуваат дека се работи за метод на градба наречена „општа подна покривка“, која, сепак, е направена толку површно што довело до овој застрашувачки ефект.

ПОГЛЕДНЕТЕ ЈА СНИМКАТА:

Невидени малверзации во Турција

Барајќи ги корените на интензивните критики што турскиот претседател ги доби во последните часови, Блумберг истакнува дека „уривањето на толку многу згради повторно разгоре долгогодишни поплаки дека на градителите им било дозволено да ја жртвуваат безбедноста заради брзината и трошоците за време на градежниот бум“.

„Градежните компании се познати по тоа што ги отстрануваат столбовите за поддршка од некои продавници и паркинзи и прават измени на потпорните ѕидови, вратите и прозорците на зградите“, известува истата мрежа, додека „преживеаните и опозициските партии исто така велат дека владата не одговорила соодветно на една од најлошите природни катастрофи во Турција“.