Од Јавното претпријатие за одржување и заштита на магистрални и регионални патишта – Скопје информираат дека нивни екипи будно ја следат состојбата на сите патни правци и планински превои.

На планинските превои Плетвар и Стража веќе има снег. Снежните врнежи во текот на ноќта се спуштија и во пониските предели главно во западните делови на Македонија.

УХМР за денеска прогнозира снег во утринските часови, а во текот на денот променливо облачно време со сончеви периоди. Ниски утрински температури се очекуваат и во следните денови.

„Навремено се преземени превентивни мерки со опесочување на сите делници на кои се очекуваат ниски температури и врнежи од снег. Воедно упатуваме апел до сите учесници во сообраќајот да носат и користат зимска опрема и да ја прилагодат брзината согласно условите на патот“, соопшти Јавното претпријатие за одржување и заштита на магистрални и регионални патишта.