Иако нема официјална потврда и децата не сакаат да признаат, тие наводно се здобиле со повреди додека го играле предизвикот „Hit Him in the Balls“ (Удри го во тестиси) на ТикТок.

Изминативе денови во КБЦ Осијек се примени повеќе деца со торзија на тестисите, пишува Гласот на Славонија.

„Можам само да кажам дека деновиве имаме повеќе случаи на торзија на тестисите кај децата. Со торзија на тестис доаѓа до нарушување на циркулацијата и трајно влошување на тестисот. Во најтешкиот случај резултатот од третманот е отстранување на таков тестис“, изјави доц. д-р Далибор Дивковиќ, раководител на Одделот за детска хирургија во КБЦ.

Иако нема официјална потврда и децата не сакаат да признаат, тие наводно се здобиле со повреди додека го играле предизвикот „Hit Him in the Balls“ (Удри го во тестиси) на ТикТок, пишува порталот.

Иако торзијата на тестисите може да се појави спонтано, таа се јавува и по повреда. Лекарите нагласуваат дека најважно е веднаш да се пријави во болница.

Британските медиуми уште во 2019 година пишуваа дека 12-годишно момче за малку ќе ги загубело тестисите поради предизвикот наречен „Bangcock“. Во училиштата момчињата прашувале „кој е главен град на Тајланд“, а кога момчето ќе одговорело дека тоа е Бангкок, што може да звучи како „бангкок“, удар во машкиот генитален орган, било удирано токму на тоа место. Мајката на 12-годишното момче потоа ги предупредила родителите и децата да ги разберат последиците од ваквите предизвици.