Во Првиот основен суд во Белград продолжува судењето на Олга Маркановиќ и Јасмина Тасиќ, кои беа обвинети за тешко дело против здравјето на луѓето, односно за неовластено превзмеање на естетски зафати врз пациентки. На минатото рочиште сведочеше жртвата Кристина Миловановиќ, а денеска се очекува да сведочат и останатите сведоци.

Сведокот Кристина Милановиќ рече дека обвинетата Маркановиќ, позната и како „докторката барби“ и направила третман на носот. Таа истакна дека Маркановиќ и кажала дека дипломирала на Медицинскиот факултет и дека ќе и го „ремоделира“ носот со ласер.

Милановиќ во сведочењето истакна дека Олгица Маркановиќ рекла дека со ласер ќе го намали обемот на носот и ќе ја отстрани грпката. Судијата донесе решение за продолжување на забраната за напуштање на местото на живеење на Маркановиќ.

18 пациенти се здобиле со сериозни повреди

Во обвинението обвинетите се товарат дека во соизвршителство сториле тешко кривично дело против здравјето на луѓето на штета на 18 повредени пациенти.

Во соопштението на обвинителството се наведува дека во продолжениот обвинителен акт Маркановиќ и Тасиќ се обвинети дека од јануари 2020 година до 6 февруари минатата година извршиле хируршки зафати во салонот Тајас, со инвазивна примена на мезотерапијата О2 без игла – Машина за убавина – заедно со употреба на инјекции за локална анестезија лидокаин-хлорид дадени од обвинетata О.М, при што 18 пациенти се здобиле со тешки физички повреди.

Обвинителството му предложи на судот по главниот претрес Маркановиќ да биде осудена на пет години затвор, а нејзината помошничкаТасиќ на една и пол година.

Тие се обвинети и дека од 1 мај 2020 година до 1 март минатата година биле во нерегистрираниот „медицинско-естетски центар Тајас“ во Белград на улица „Дриничка“ бр. 8, а не овластената и неправилна употреба на „плазма пенкалото“ предизвика трајно оштетување на третираните делови на повредените во вид на длабоки изгореници од втор и трет степен.

Истовремено, користеле и неодобрени инјекции на локална анестезија („лидокаин – хлорид“), кои биле ризични по животот на жртвите во случај на алергиска реакција и поради недостаток на анти-шок терапија и едукација на обвинетите.

По апсењето, Маркановиќ на рочиштето во обвинителството негираше дека практикувала надрилекарство, односно медицински процедури за кои нема дозвола. Маркановиќ на почетокот на својата одбрана тврдеше дека на клиентите не се претставувала како медицински работник и дека не носи бел мантил, туку розов.

Како што вели, не знае кој освен неа го користел апаратот „плазма пенкало“, додека нагласила дека апаратот споменат во обвинението не е нејзин и дека не го користела. Маркановиќ рекла и дека сопственик на салонот е нејзината поранешна колешка Тасиќ, а таа доаѓала на секои 20 дена да прави третмани.

Таа во својата одбрана пред обвинителот тврдеше дека услугите што им ги дава на пациентите се од козметички карактер и дека не се претставувала како експерт од областа на медицината.