Фотографот и снимател Лука Суша почина денеска.

Роден е во Скопје, живеел и се школувал ширум поранешна Југославија. Негови фотографии се објавени на страниците на бројни дневни и неделни изданија на поранешна СФРЈ, како „Политика“, „Борба“, „Базар“…

Подоцна работел како снимател во А1 телевизија.

Во 2017 година од Универзитетот за аудиовизуелни уметности, Европска филмска, театарска и танцова академија ја доби традиционалната награда „Љубе Цветановски“ заедно со Зоран Костески.

„Тие заедно во дводецениското истражување отсликаа стотици македонски села што се на прагот на исчезнување на тој начин заштитувајќи ги од незаборавот и вградувајќи ги во македонската колективна меморија. Оваа награда секоја година ја доделува овој универзитет во чест на доајенот на македонскиот документарен филм за креативно истражување на современоста, стоеше во образложението за наградата“, беше наведено во образложението на наградата.