Херојскиот напор успеа да го остави во живот 30-годишното момче на Халкидики, еден од двајцата што спасувачите ги бараа во Посеиди. По третото момќе, откако едно беше спасено уште вчера, потрагата се уште трае и неговата судбина е неизвесна.

Иван е пронајден во морето на Халкидики, на 14 наутички милји од местото каде што исчезнал, југо-југозападно од полуостровот Касандра. Тоа значи дека морските струи го праќале кон Пелион!

Според информациите на newsit.gr, 30-годишникот рекол дека нурнал кога ги видел другите двајца другари во водата, кои се соочувале со проблем поради немирното море. Меѓутоа, брановите и морската струја ги однеле.

Во својата несреќа имал среќа да најде топка – според неговите зборови – ја фатил и на тој начин се обидел да остане на површината.

„Го изгубив во моментот кога падна во немирното море“

За 28-годишникот, кој се уште се води како исчезнат, Иван според грчките медиуми изјавил дека тој всушност исчезнал набрзо откако паднал во немирното море.

Всушност, тој на спасувачите им рекол дека третото момче по кое се трага не знае добро да плива, со што се зголемуваат стравувањата за неговата судбина.

Почна да плаче

Кога 30-годишникот стапнал на копно, почнал да плаче, бидејќи тоа што го поминал сите овие часови било страшно и тешко.

– Беше дехидриран, но генерално во добра форма, додаваат грчките медиуми.